March 8, 2025

دہلی (شمع نیوز)
آل انڈیا مجلس اتحاد المسلمین کے صدر اسدالدین اویسی نے سوال اٹھاتے ہوئے کہا کہ اگر کانوڑ یاترا کو سڑکوں پر نکالنے کی اجازت دی جا سکتی ہے، اگر ہیلی کاپٹر سے پھول برسائے جا سکتے ہیں اور آر ایس ایس کی پریڈ کو کھلے عام سڑکوں پر نکالنے میں کوئی رکاوٹ نہیں ہے، تو پھر مسلمانوں کو سڑکوں پر نماز ادا کرنے کی اجازت کیوں نہیں دی جاتی؟

مجلسی صدر نے مزید کہا کہ جب تمام مذاہب کے پیروکاروں کو اپنے تہوار اور رسومات سڑکوں پر منانے کی آزادی حاصل ہے، تو مسلمانوں کو اس حق سے محروم کیوں رکھا جا رہا ہے؟ انہوں نے حکام سے مطالبہ کیا کہ اگر برابری کا اصول لاگو ہے، تو مسلمانوں کو بھی اپنی مذہبی عبادات کے لیے وہی سہولتیں دی جائیں جو دیگر برادریوں کو حاصل ہیں۔(شمع نیوز)