April 7, 2025

کو کٹ پلی (شمع نیوز)
شہر میں بڑھتے درجہ حرارت کے منفی اثرات سامنے آنے لگے ہیں۔ کوکٹ پلی علاقے میں ایک بائیک میں اچانک آگ بھڑک اٹھی، جس سے سنسنی پھیل گئی۔

واقعہ اس وقت پیش آیا جب بائیک سڑک کنارے کھڑی تھی اور تیز دھوپ کی شدت کے باعث اس میں آگ لگ گئی۔ دیکھتے ہی دیکھتے آگ نے پوری بائیک کو اپنی لپیٹ میں لے لیا اور وہ جل کر خاکستر ہو گئی۔

فائر بریگیڈ کی مدد سے آگ پر قابو پایا گیا۔ خوش قسمتی سے کوئی جانی نقصان نہیں ہوا۔ حکام نے شہریوں سے اپیل کی ہے کہ شدید گرمی کے دوران گاڑیوں کے استعمال اور پارکنگ میں خاص احتیاط برتیں تاکہ ایسے واقعات سے بچا جا سکے۔