April 7, 2025

تلنگانہ (شمع نیوز)
ریاست آندھر ا پردیش کے ضلع گنٹور میں ایک افسوسناک واقعہ پیش آیا جہاں آوارہ کتوں نے ایک 4 سالہ معصوم بچے پر حملہ کر دیا، جس کے نتیجے میں وہ موقع پر ہی جاں بحق ہو گیا۔ یہ دل دہلا دینے والا واقعہ علاقے میں خوف و ہراس کا باعث بن گیا ہے۔

مقامی افراد نے شہری انتظامیہ پر سخت برہمی کا اظہار کیا ہے اور مطالبہ کیا کہ آوارہ کتوں کے خلاف فوری اور مؤثر اقدامات کیے جائیں۔ لوگوں کا کہنا ہے کہ یہ پہلا واقعہ نہیں ہے، بلکہ پہلے بھی کئی بار آوارہ کتے بچوں اور بزرگوں پر حملے کر چکے ہیں، لیکن انتظامیہ خاموش تماشائی بنی ہوئی ہے۔

شہریوں نے سڑکوں پر نکل کر احتجاج کر نے کا انتباہ دیا ہے اور حکام سے اپیل کی کہ فوری طور پر اقدامات کیے جائیں تاکہ مزید معصوم جانیں ضائع نہ ہوں۔ عوام کا مطالبہ ہے کہ بلدیہ اپنی ذمہ داری نبھائے اور شہریوں کو تحفظ فراہم کرے۔