March 30, 2025

تلنگا نہ (شمع نیوز)تلنگانہ کے چیف منسٹر ریونت ریڈی نے اتوار کے روز راج بھون میں ریاست کے گورنر جیشنو دیور ورما سے ملاقات کی۔ اس موقع پر وزیر اعلی ریونت ریڈی نے گورنر کو اُگادی کے موقع پر مبارکباد پیش کی اور ان سے نیک تمناؤں کا اظہار کیا اور ریاست کی خوشحالی و ترقی کے لیے دعا کی۔

ملاقات کے دوران وزیر کونڈا سریکھا، رکن پارلیمنٹ انجن کمار یادو، چیف منسٹر کے مشیر ویم نریندر ریڈی اور دیگر اعلیٰ عہدیدار بھی موجود تھے۔ مختلف امور پر تبادلہ خیال کیا گیا، جبکہ ریاست کی مجموعی ترقی اور فلاحی اقدامات پر بھی بات چیت ہوئی۔

غور طلب ہے کہ اُگادی جنوبی ہند خصوصاً تلنگانہ، آندھرا پردیش اور کرناٹک میں نئے سال کا آغاز مانا جاتا ہے اور روایتی جوش و خروش کے ساتھ منایا جاتا ہے۔ اس تہوار کے دوران لوگ نئے سال کے استقبال کے طور پر دعائیں مانگتے، خصوصی پکوان تیار کرتے اور ایک دوسرے کو مبارکباد پیش کرتے ہیں۔

چیف منسٹر تلنگا نہ ریونت ریڈی نے اُگادی کو ریاست کے عوام کے لیے خوشحالی، امن اور ترقی کی علامت قرار دیا اور امید ظاہر کی کہ یہ نیا سال تلنگانہ کے عوام کے لیے مزید خوشحالی اور ترقی کا باعث بنے گا۔