March 30, 2025

میانمار میں آنے والے شدید زلزلے نے ملک میں خوف و ہراس کی لہر دوڑا دی۔ 7.7 شدت کے اس زلزلے نے نہ صرف عمارتوں کو ہلا کر رکھ دیا بلکہ کچھ علاقوں میں زمین سے پانی ابلنے لگا، جو اس بات کا ثبوت ہے کہ جھٹکوں کی شدت کتنی زیادہ تھی۔

زلزلے کا مرکز میانمار کے شمالی علاقے میں تھا، لیکن اس کے جھٹکے دور دراز علاقوں تک محسوس کیے گئے۔ مقامی ذرائع کے مطابق، کئی علاقوں میں زمین میں دراڑیں پڑ گئیں اور کچھ مقامات پر اچانک پانی نکلنے لگا، جس نے لوگوں کو حیران و پریشان کر دیا۔ ماہرین کے مطابق، زمین سے پانی نکلنے کا مطلب ہے کہ زلزلے کی شدت نے زیرِ زمین پانی کے ذخائر کو ہلا کر رکھ دیا ہے۔

زلزلے کے نتیجے میں درجنوں افراد ہلا ک اور بیشتر زخمی ہو نے کی اطلاعات ہیں۔ تاہم ابتدائی اطلاعات کے مطابق کئی عمارتیں متاثر ہوئی ہیں اور لوگ گھروں سے باہر نکلنے پر مجبور ہو گئے۔ ریسکیو ٹیمیں امدادی کارروائیوں میں مصروف ہیں اور حکام عوام کو احتیاطی تدابیر اپنانے کی ہدایت دے رہے ہیں۔ یہ زلزلہ نہ صرف میانمار بلکہ پڑوسی ممالک کے لیے بھی ایک انتباہ ہے کہ قدرتی آفات کسی بھی وقت آ سکتی ہیں، اور ہمیں ان سے نمٹنے کے لیے ہمیشہ تیار رہنا چاہیے۔