April 5, 2025

دہلی (شمع نیوز)
وقف ترمیمی بل بھلے ہی پارلیمنٹ کے دونوں ایوانوں سے پاس ہوگیا ہ، لیکن اس پرتنازعہ ختم ہونے کا نام نہیں لے رہا ہے۔ تمام سیاسی پارٹیاں اس بل سے متعلق احتجاج کر رہے ہیں۔

اس درمیان راہل گاندھی نے وقف بل سے متعلق حکومت پرتنقید کی ہے۔ انہوں نے سوشل میڈیا پلیٹ فارم ایکس پر پوسٹ کرتے ہوئے سوال کھڑے کئے ہیں۔

راہل گاندھی نے سوشل میڈیا پلیٹ فارم ایکس پرایک خبرشیئرکرتے ہوئے لکھا کہ میں نے کہا تھا کہ وقف بل ابھی مسلمانوں پرحملہ کرتا ہے، لیکن مستقبل میں دیگرطبقات کو نشانہ بنایا جائے گا۔ انہوں نے مزید لکھا کہ وقف کے بعد اب آرایس ایس کی نظرعیسائیوں کی طرف جانے میں زیادہ وقت نہیں لگے گا۔

آئین ہی واحد ڈھال ہے جو ہمارے لوگوں کو ایسے حملوں سے بچاتا ہے اوراس کا تحفظ کرنا ہمارا اجتماعی فریضہ ہے۔