April 5, 2025

تلنگانہ (شمع نیوز)
میڑچل ضلع میں راشن دکانوں پر "باریک چاول ندارد" کے بورڈز عام ہوتے جا رہے ہیں، جس سے ہزاروں راشن کارڈ ہولڈرز پریشان ہونے کی اطلاع مو صول ہو ئی ہے۔

حالانکہ اسکیم کو صرف چار دن ہوئے ہیں، کئی دکانوں میں سبسڈی والا باریک چاول نایاب ہے۔ ضلع میں 5.28 لاکھ راشن کارڈ ہولڈرز کے لیے 10,761 میٹرک ٹن چاول کی تقسیم کا اعلان کیا گیا تھا، مگر اسٹاک کی کمی نے اسکیم پر سوال اٹھا دیے ہیں۔

صورتحال پر کلکٹر گوتم نے ہنگامی اجلاس طلب کرتے ہوئے تمام دکانوں کو وقت پر سپلائی یقینی بنانے کی ہدایت دی ہے۔ کلکٹر نے انتباہ دیا کہ کسی بھی بے ضابطگی پر سخت کارروائی کی جائے گی، اور عوام سے اپیل کی گئی ہے کہ شکایات فوری طور پر تحصیل یا سیول سپلائیز آفس میں درج کروائیں۔

ادھر حیدرآباد میں بھی باریک چاول کی بجائے موٹا چاول دیا جا رہا ہے، جس کی وجہ دکاندار الیکشن کوڈ کے نفاذ کا دعوی کر نے لگے ہیں۔